Tatiana e Krista Hogan janë dy vajza 7 vjeçare, të cilat kanë lindur në Venon, në Kolumbinë Britanike. Ato janë tepër të veçanta pasi janë binjake siameze dhe ndajnë mes tyre të njëjtin tru.
Kur sapo lindën, mjekët nuk u dhanë prindërve asnjë mundësi për jetëgjatësinë e vajzave, të cilat kanë hedhur poshtë çdo pritshmëri dhe sot ndodhen në gjendje shumë të mirë shëndetësore. Sipas nënës së tyre, Felicias, të dyja adhurojnë të shkojnë në shkollë, të shikojnë kartonat e animuar dhe të hanë ëmbëlsira.
Gruaja e ka ditur se vajzat do të lindnin në gjendje të tillë që në muajt e parë të shtatzënisë, por pavarësisht këtij fakti, nuk ka menduar të abortojë. Nuk ekziston asnjë lloj ndërhyrje kirurgjikale që t’i ndajë duke qenë se kanë për përbashkët një organ vital siç është truri dhe për pasojë nuk do të mund të largohen kurrë nga njëra-tjetra.
Dy vajzat mund të përdorin krahët dhe këbët në mënyrë të pavarur, kanë personalitete të ndryshme, por ndajnë të njëjtat emocione dhe ndjesi fizike. ndër të tjera, ato mund të shohin edhe nëpërmjet syve të njëra-tjetrës. “Lidere” është Tatiana, e cila ka një personalitet më të fortë, ndërsa Krista është më e qetë dhe e tërhequr.
Edhe në ditët e sotme, si mjekët edhe të afërmit janë të habitur nga fakti se ato gëzojnë shëndet të plotë dhe bëjnë një jetë normale. Ishin përcaktuar si një ‘gabim i natyrës’, por kanë treguar se mund të jetohet dhe të ecet përpara me pozitivistet edhe në këtë gjendje të rëndë dhe aspak të favorshme.
Vajzat janë shumë të lumtura që kanë mësuar të vrapojnë e të luajnë bashkë, edhe pse askush nuk arrin t’i kuptojë nëse kanë mendime të njëjta. Prindërit janë të bindur se ato do të arrijnë t’ia dalin në jetë, duke qenë se kuptohen shumë mirë me njëra-tjetrën me shikim, pa folur fare./tesheshi.com/
