Duket se kolumbianit nuk po i ecën mirë edhe jashtë fushës. Pas mbërritjes në Valdebebas, gjatë ditës së premte, James Rodriguez u ndalua nga policia, pasi kishte tejkaluar normat duke ngarë makinën me 200 km/h.
Policia detyroi futbollistin të ndalet, por ai nuk iu bind urdhërit dhe arriti të hyjë në objektet e Valdebebas, qendrës stërvitore të Real Madrid-it.
James po e ngiste një makinë të tipit Audi. Ai mund të përballet me akuza për mosbindje ndaj urdhërit të policisë.
Probleme të tilla në të kaluarën ka patur dhe një tjetër futbollist tjetër i “mbretërve”. Francezit Karim Benzema i konfiskuan patentën pasi kishte bërë shkelje në komunikacion. /tesheshi.com/
