Kreu i Mbrojtjes amerikane nën administratën Trump, James Mattis, ka dhënë deklarata optimiste mbi raportet e mëtejshme mes NATO-s dhe SHBA, pra qëndrueshmërinë e boshtit transatlantik, kërcënuar nga qëndrimet e kreut të ri të Shtëpisë së Bardhë.
Në vizitën e tij të parë në selinë e Aleancës në Bruksel, kreu i ri Pentagonit tha se NATO-ja mbetet një kolonë thelbësore për SHBA-në dhe presidenti amerikan Donald Trump ka shprehur një mbështetje të fortë për këtë.
“Aleanca mbetet një shtyllë themelore për SHBA-në dhe për të gjithë komunitetin transatlantik, të lidhur ashtu si jemi me njëri-tjetrin”, deklaroi sekretari amerikan i Mbrojtjes duke qëndruar me një mesazh tëe qartë në krah të shefit të NATO-s, Jens Stoltenberg.
Më tej, gjenerali Mattis e konsideroi Aleancën si “shtëpinë e tij të dytë”, maqë kohë më parë ka qenë ish-shefi ushtarak i Aleancës. /tesheshi.com/
