Për shkak të paaftësisë së tij fizike nuk mund të luante dot me joystick në Playstation, ndaj vendosi t’i shkruajë një letër kompanisë Sony, dhe siç duket, letra e tij nuk përfundoi në kosh, madje, një punonjës i kompanisë japoneze u mor personalisht me krijimin e një kontrolluesi ad hoc dhe ia dërgoi në shtëpi. Tashmë, historia e këtij djaloshi është duke bërë xhiron e rrjetit.
Peter Byrne është një 21-vjeçar nga Neë Jersey i prekur nga paraliza cerebrale. I apasionuar pas lojërave me PlayStation që prej moshës 8-vjeçare, ai i shkruajti një letër kompanisë Sony duke i treguar se nuk kishte pasur kurrë probleme me përdorimin e lojës deri në krijimin e Dual Shock 4.
Punonjësi Alex Nawabi u informuar dhe lexoi letrën e të riut, i cili është përdorues i rregullt dhe një klient shembullor i kësaj kompanie. Pas një shkëmbimi emailesh mes dy palëve, Naëabi ideoi një version të personalizuar të kontrollerit, i cili është ideuar dhe krijuar enkas për djaloshin. Kjo është ana pozitive e historisë, por për fat të keq rasti i Byrne do të jetë tërësisht i izoluar, duke qenë se modeli i krijuar për të nuk do të hidhet në shitje nga ana e Sony. /tesheshi.com/
