“Jam mysliman. Më përqafoni nëse keni besim te unë”. Ky ishte mbishkrimi që mbante në dorë një i ri mysliman në Paris, i cili kishte lidhur sytë e tij me një shall dhe mbante hapur krahët, në pritje të përqafimeve të njerëzve që kalonin, në qytetin ku mbrëmjen e së premtes u shkaktua masakra terroriste.
Të shumtë ishin njerëzit e mbledhur rreth tij. Mjaft prej tyre e shikonin me lot në sy dhe qanin. Mjaft të tjerë kanë reaguar pozitivisht, duke e përqafuar të riun pa asnjë problem, çka tregon se bota mbanë e di se myslimanët nuk janë terroristë, dhe se sulmet terroriste nuk kanë aspak lidhje me fenë islame./tesheshi.com/
