Jakup Krasniqi nga partia NISMA, përmes një shkrimi autorial kushtuar situatës politike në vend, thotë se pas rezultateve të zgjedhjeve të 11 qershorit zgjidhja më e mirë është formimi i një qeverie gjithëpërfshirëse, ku do të merrnin pjesë të gjitha partitë politike sipas fuqive politike që kanë marr nga qytetarët, siç thotë për të kaluar vendimet e mëdha.
Megjithatë, sipas tij kjo është goxha e pa mundur të ndodhë në ambientin e kulturën politike që karakterizohet nga kundërthënie të shumta deri në pa durueshmëria ekstreme.
“Krejt çështja është: si ta mundim ketë animizitet e pa durueshmëri ekstreme në politikën tonë?! Interesi politik është që gjithsecili ta mund vetveten dhe brezave t’ua lemë një kulturë politike për lakmi, ashtu siç na e lan trimat e motit flijimin për liri. Liderët tanë a e kanë ketë kurajo politike?
Pse po e kërkoj ketë?
Janë disa çështje të mëdha politike që kërkojnë më shumë sesa një qeverisje të thjeshtë prej 61 numrave. Pra janë disa çështje që kërkojnë një konsensus nacional në mes të gjitha partive politike shqiptare e minoritare, siç janë: përfundimi i demarkacionit me Malin e Zi; riformatizimi i bisedimeve me Serbinë me ndërmjetësimin e Brukselit; përmbyllja e shtetndërtimit; zyrtarizimi i ushtrisë, reformimi i sistemit të drejtësisë; krijimi i politikave të qarta zhvillimore dhe reforma të tjera në fushën e investimeve, të administratës publike, në arsim e shëndetësi etj. Të gjitha këto çështje janë ekskluzivisht të ekzekutivit e të askujt tjetër”, shkruan Krasniqi.
Sipas tij nëse këto reforma të interesit nacional do të kryheshin brenda dy, tri a katër viteve me një konsensus të gjerë nacional dhe pasi të përfundohej një reformë e duhur zgjedhore, do të mund të shkohej në zgjedhje të reja.
“Mbase, edhe do të krijoheshin dy blloqe të mëdha ideologjike në politikën tonë. Natyrisht për t’u arritur këto gjera tepër të rëndësishme, duhet të ketë vullnet politik, përgjegjësi politike, dashuri për kombin e shtetin dhe mendim politik të shkollës se Rilindësve!”, thotë Krasniqi. /tesheshi.com/
