Futbollisti shqiptar bëri një paraqitje mbresëlënëse pasditen e djeshme, teksa Lucerna fitoi 4-3 ndaj Grasshoperit, në një ndeshje të vlefshme për javën e dytë të Superligës zviceriane.
Dikur edhe pjesë e ekipit kombëtar të Shqipërisë, Jahmir Hyka qe përcaktues në këtë fitore, ku veç një goli të shënuar, qe i pranishëm dhe në tre golat e tjerë.
28-vjeçari do të bëhej së pari shkak për një 11-metërsh në favor të ekipit të tij, të kthyer më pas në gol nga Juric.
Në mbyllje të pjesës së parë, Hyka do të shënonte vetë një gol pas një gjuajtje nga jashtë zonës.
Në 45 minutat e dyta, ai do të ekzekutonte një goditje dënimi, pas të cilit do të vinte goli i tretë. Një krosim i Hykës nga brenda zonës pas një triblimi fantastik të kundërshtarëve, do të sillte golin e katërt për vendasit.
Hyka do të shpallej lojtari më i mirë i ndeshjes. Lucerna ka gjashtë pikë të plota pas dy ndeshjesh në kampionatin zvicerian. Ajo mban vendin e dytë, pas Bazelit, që ka një golavarazh më të mirë. /tesheshi.com/
