Lojtari i përfaqësueses së Shqipërisë ka qenë dje protagonist në fitoren e Lucernës ndaj Vaduzit. 28-vjeçari ka shënuar një dygolësh në ndeshjen e vlefshme për javën e 17-të të kampionatit zvicerian.
Hyka shënoi golin e dytë dhe të tretë të ndeshjes, në minutën e 51-të dhe të 58-të, për t’u zëvendësuar pak më pas. Më herët, në fund të pjesës së parë, për Lucernën pati realizuar Neumayr, me tërë takimin të mbyllur 3-0.
Pesë janë golat e shënuar prej Jahmir Hykës gjatë këtij sezoni në Superligën zviceriane. Ai do t’i bënte një fillim të mirë kampionatit, me tre gola të realizuar, një ndaj Grasshopersit e dy ndaj Bazelit, përpos tre asisteve.
Paraqitjet e tij do të zbeheshin me kalimin e kohës, edhe pse ai siguroi një rithirrje në përfaqësuese pas një mungese të gjatë.
Me golat e djeshëm, Hyka kthehet te lojërat e tij të mira, duke e ndihmuar Lucernën të mbajë përkohësisht vendin e tretë në klasifikim. /tesheshi.com/
https://youtu.be/x2mnKnlYaCk
