Presidentja Jahjaga, ka deklaruar se javët e ardhshme do ketë një angazhim për ta mbyllur njëherë e mirë çështjen e fletearresteve të pabaza, që siç tha, cenojnë lirinë e lëvizjes së qytetarëve të Kosovës. Jahjaga falënderoi institucionet sllovene për atë që e quajti bashkëpunim të menjëhershëm dhe tha po e mirëpret kthimin e Haradinajt në Kosovë:
“Mirëpres kthimin e deputetit të Republikës së Kosovës dhe liderit të Aleancës për Ardhmërinë e Kosovës, zotëri Ramush Haradinaj pas ndalimit në Slloveni, veprim ky që është bërë sipas një fletarresti politik dhe të pabazë të lëshuar nga shteti i Serbisë”, ka shkruar presidentja në Facebook.
“Falënderoj institucionet e Republikës së Sllovenisë dhe instancat më të larta të shtetit mik për bashkëpunimin e menjëhershëm për t’i dhënë fund këtij ndalimi të pabazë dhe për të mundësuar lëvizjen e lirë të zotëri Haradinajt”, ka theksuar Jahjaga. /tesheshi.com/
