Një zgjatje me gjashtë muaj e sanksioneve të BE-së ndaj Rusisë është vendosur zyrtarisht në ditën e sotme, e kjo për shkak të mungesës së përparimit në dhënien fund konfliktit në lindje të Ukrainës.
“Këshilli [Europian] i zgjati më 1 korrik 2016 sanksionet ekonomike ndaj sektorëve të veçantë të ekonomisë ruse deri më 31 janar të 2017-tës.” Kjo është çka thotë një deklaratë e BE-së.
Ambasadorët e Bashkimit Europian kishin rënë dakort në parim që më 21 qershor për zgjatjen e sanksioneve. Sektorët rusë të mbrojtjes, të financës dhe naftës janë në objektiv të sanksioneve.
BE-ja ka bërë të ditur se ky vendim lidhet dhe me mosvënien në zbatim plotësisht të klauzolave të marrëveshjes së paqes së Minskut, të shkurtit të vitit 2015, që synon ta çojë drejt fundit konfliktin ukrainas.
Ministria e Jashtme ruse reagoi duke deklaruar se e shihte vendimin si vazhdim të politikës dritëshkurtër të Brukselit, e se ishte absurde t’i lidhje sanksionet me një dështim të progresit të një marrëveshjeje paqeje për t’u dhënë fund luftimeve në pjesën veriore të Ukrainës. /tesheshi.com/
