Një deklaratë e Bashkimit Europian ka shprehur shqetësimin për situatën në Egjipt, duke e vënë theksin në kufizimin e të drejtave të qytetarëve egjiptianë.
Situata, sipas deklaratës, është shqetësuese, dhe “vazhdon një tendencë e kufizimit të hapësirës për shoqërinë civile dhe për lirinë e shprehjes”.
BE-ja i paralajmëroi autoritetet egjiptiane për bastisjen e dy ditëve më parë në një godinë të një sindikate dhe për arrestimin e gazetarëve.
Forcat policore do të arrestonin dy gazetarë ndërsa kryen kontrolle në zyrat e sindikatës së shtypit.
Nëpërmjet deklaratës është kërkuar lirimi i të ndaluarve, si dhe bëhet thirrje që ligji i cili rregullon grumbullimin e lirë të jetë në pajtim me kushtetutën e Egjiptit.
“Liria e grumbullimit dhe liria e shtypit janë thelbësore për demokracinë, për të garantuar që të gjithë zërat paqësorë do të dëgjohen dhe respektohen,” thuhet në deklaratë.
Fushata e arrestimeve nuk është ndalur që me ardhjen forcërisht në pushtet të es-Sisit. Por vendet e BE-së nuk bënë zë gjatë grushtit të shtetit, duke e pranuar në heshtje marrjen me dhunë të pushtetit nga presidenti aktual. /tesheshi.com/
