Kandidati për kryeministër i Kosovës nga koalicioni LDK-AKR-Alternativa, Avdullah Hoti, ka ngacmuar rivalin e tij Ramush Haradinajn, suke shprehur bindjen se PAN nuk do arrijë numrat për ta formuar qeverinë.
Dhe ëndrrën e tij e konsideron të prekshme, duke besuar se më pas, LDK së bashku me aleatët dhe siç thotë partitë tjera do e bëjnë qeverinë, që sigurisht aludon në Vetëvendosje-n.
“Sot takova Ambasadorin e Austrise ne Kosove. Biseduam edhe për zhvillimet politike. E sigurova se LDK do të jetë konstruktive në procesin e themelimit të institucioneve. E qartësova se ne do të bashkëpunojmë me forcat politike në Kuvend për të themeluar qeverine sapo të dështojë përpjekja e koalicionit PAN”, ka shkruar Hoti në Facebook.
Ai më tej shprehet se vendit i guhet një qeveri proevropiane, që siguron qeverisje me duar të pastra, ku sundon rendi dhe ligji, një qeveri që ruan rendin kushtetues dhe punon në konsolidimin e shtetësisë dhe promovimin e fqinjësisë së mirë.
“Këtë qeveri mund ta sigurojë vetëm LDK”, thotë Hoti i cili ngacmon kështu jo pak rivalët që sipas tij nuk mund të sigurojnë një qeveri me duar të pastra. /tesheshi.com/
