Gjërat kanë ndryshuar shumë që nga viti 1950. Megjithatë, mund të mësojmë shumë nga perceptimi i gruas ideale të atyre viteve.
Më datën 13 maj të vitit 1955, në revistën Housekeeping Monthly, bëri bujë, e vazhdon akoma të nxisë polemika, artikulli “Guidë për Bashkëshortet e devotshme” në të cilin përshkruhet se si duhet të sillet një grua shembullore shumë ndryshe nga roli i gruas në shoqërinë e sotme.
Artikulli ndër të tjera thotë:
“Ushqimi të jetë gati kur të kthehet burri nga puna. Meshkujt janë të uritur thuajse gjithmonë pas pune dhe një darkë e shijshme është mirëseardhja më e mirë dhe tregon se je e merakosur që të plotësosh nevojat e tij.
Përgatitu për ardhjen e tij. Pusho të paktën nja 15 minuta para se burri të kthehet në shpi në mënyrë që të të gjejë të qetësuar. Bëj tualet, kapi flokët dhe bë një dush ose vendos antidjersë në mungesë kohe. I shkreti ka qenë i rrethuar gjithë ditën me njerëz të mbytur në djersë pune.
Bëhu më tërheqëse dhe interesante.
Jepi një ftillim të fundit shtëpisë para se burri të kthehet nga puna.
Të paktën një herë në muaj përgatit një mbrëmje romantike me qirinjë do e bëni të ndihet si në parajsë por dhe ju do ndjeni vetëkënaqësi kur të merrni komplimenta në këmbim.
Elimino çdo zhurmë në ardhjen e tij, sepse zhurmat pas një dite të lodhshme të stresojnë.
Përgatiti fëmijët, laji ose pastroju duart dhe fytyrën. Kur të vijë burri nuk duhet t’i gjejë fëmijët të pisët dhe të pakrehur.
Gëzohu kur e sheh. Dhuroji buzëqeshje të ngrohta. Fol qetë me një zë të ëmbël.
Dëgjoje. Edhe ti mund të kesh shumë gjëra për t’i thënë por lëri për më vonë.
Mos u anko për ardhjen me vonesë. Mos fillo të ankohesh dhe të shfryhesh për probleme të ndryshme.
Detyra jote është ta bësh shtëpinë një vend qetësie, paqe dhe harmonie.
Mos i bë pyetje të tepërta. As mos i jep mend. Një grua e mirë di të ruaj vendin e vetë” /tesheshi.com/
