Recetat shqiptare janë të pranishme në seksionin e BBC-së për ushqimin. Ja se si e ka përshkruar shefi britanik recetën e tavës së kosit hap pas hapi.
Rick Stein shkruan se “‘tavë kosi’ është një pjatë kombëtare në Shqipëri, por kam pasur mundësi ta konsumoj vetëm një herë, në një restorant duke kaluar nëpër rrugën e Llogarasë. Unë ishte mendoja se do të më pëlqente. Mishi i qingjit me oriz dhe kos, nuk të ngjit menjëherë si ide, por rezultoi të ishte shumë i mirë në të vërtetë, e njëjta pjatë si ‘moussaka-ja’ greke”.
Koha e përgatitjes: më pak se 30 minuta
Koha e gatimit: 1 deri në 2 orë
Shërben: Për 8 persona
Përbërësit:
70 g gjalpë
1 lugë gjelle vaj ulliri
1.2 kg shpatull qengji pa kockë, të prerë në kube
4 hudhra të grira
1 lugë çaji rigon i tharë
60 g oriz
50 g miell
600 ml kos
4 vezë
Arrëmyshk
Kripë
Piper të zi
Përgatitja:
Ngrohni paraprakisht furrën në 180 gradë Celsius. Hidhni 20 g gjalpë dhe pak vaj ulliri në një tigan të madh. Skuqni pak copat e qengjit. Hiqini nga zjarri. Shtoni hudhrën dhe skuqeni pak. Ktheni copat e mishit, shtoni rigon dhe 200 ml ujë.
Lëreni të gatuhen, mbuluar me një kapak, për rreth 45-60 minuta derisa mishi i qengjit të zbutet. Hidhni edhe orizin dhe kripë, e piper. Vendoseni më pas në një tepsi të thellë. Shkrini në një tigan të vogël pak gjalpë, shtoni miellin dhe skuqeni për 2 minuta.
Shtoni kos dhe përziejeni mirë, pastaj fikeni zjarrin. Hiqeni nga zjarri dhe shtoni vezët e rrahura. Shtoni kripë dhe piper. Hidheni këtë salcë mbi mishin e qengjit dhe përziejeni, hidhni edhe pak arrëmyshk të freskët dhe piqeni për 40-45 minuta derisa të marrë ngjyrë të artë.
Hiqeni nga furra dhe lëreni 5 minuta para se ta shërbeni. Shërbejeni me një sallatë të thjeshtë me marule./tesheshi.com/
