A është e mundur të bëhemi të pasur duke përdorur YouTube? Sigurisht që po dhe këtë e vërteton Felix “PewDiePie” Kjellberg, një komik suedez, i cili ka hyrë me kanalin e tij në YouTube, në lidtën e personave më të klikuar dhe të ndjekur në botë. Postimi i fundit i publikuar disa ditë më parë ka arritur 10 miliard shikime, një kuotë e paarritur më parë nga asnjë youtuber tjetër.
Bëhet fjalë për një kanal të ri të krijuar në vitin 2010, por shumë shpresëdhënës. Në vitin 2012 ka arritur mbi një milion persona që e kanë ndjekur. Bëhet fjalë për një sukses klikimesh, çka e kanë çuar në kuotat aktuale me rreth 39 milion përdorues të regjistruar që ndjekin videot e tij, me tematikë përgjithësisht për video-lojërat.
I famshëm, por edhe i pasur falë YouTube, në një intervistë në vitin 2014, komiku suedez ka rrëfyer se fiton nga platforma më e famshme në botë, rreth 7.5 milion dollarë, pa marrë në konsideratë rreth 4 milion dollarë në vit që fiton përmes publicitetit. Një pjesë e parave të fituara shkon për bamirësi. Në vitin 2014 ai i ka dhuruar Save the Children rreth 630 mijë dollarë, duke thyer në një farë mënyre, edhe komentet negative në lidhje me popullaritetin e tij.
Në një video ai u shpjegon ndjekësve se paratë nuk e sjellin lumturinë. Videot e PewDiePie bëjnë pjesë në kategorinë “Let’s Play” pasi bazohen në komentet dhe feedbackun e tij në lojërat që luhen në internet./tesheshi.com/
