Të shkosh për drekë me Tim Cook? Momentalisht kushton 165 mijë dollarë, por çmimi mund të rritet ndjeshëm në ditët në vijim. Drejtuesi i Apple, për të tretin vit radhazi ka dalë në ankand për bamirësi në sajtin CharityBuzz.
Ofruesi më i mirë do të ketë mundësinë e shijimit të një darke në shoqërinë e Cook në lagjen e Cupertino-s (lagje e ndërtuar nga Apple) dhe dy bileta VIP për eventin e ardhshëm të Apple, ndërsa shumën e madhe të parave do të duhet ta paguajë në shoqërinë për të drejta njerëzore Robert F. Kennedy.
Ankandi, i cili do të mbyllet më 6 maj është hapur ditën e mërkurë dhe deri më tani janë regjistruar 18 oferta. Më e larta është 165 mijë dollarë. Duke parë kohën që është në dispozicion deri në fund të ankandit, pritet që çmimi të rritet disa herë më shumë.
Në vitin 2013 Cook arriti të mbledhë 610 mijë dollarë për një kafe me të, ndërsa në vitin 2014 u ndal në shifrën e 310 mijë duke ofruar një drekë. Mirëpo, impenjimi i Cook me bamirësinë shkon shumë më tej.
Muajin e kaluar, numri një i Apple deklaroi se do ti japë për bamirësi të gjitha pasuritë e tij dhe do të mbajë vetëm një pjesë që do të shërbejë për edukimin dhe shkollimin e nipit 10-vjeçar.
“Do të doja të isha një pikë e vogël uji në dallgën e ndryshimeve të mëdha”,- ka thënë Coook. Pasuria e tij arrin rreth 785 milionë dollarë./tesheshi.com/
