Një shishe ujë kushton tre euro, sa edhe një gotë aperitiv. Janë çmime që mund të konsiderohen si normale, veçanërisht për një bar në sheshin Signori në Treviso të Italisë. Në një faturë të barit “Signore & Signori”, e cila prej pasdites së djeshme është duke u përhapur në muret e Facebook, është shtuar një produkt i ri. Bëhet fjalë për ‘Acqua cane” (uji i qenit), i cili ka përbri çmimin 30 çentezë.
Komentet kanë qenë të shumta, dhe në veçanti ato negative. Të paktë janë ata që mbrojnë këtë zgjedhje të restorantit.
“Në shtëpinë time, ujin e rubinetit e paguar”, ose “Quhet shërbimi në tryezë! Pavarësisht nëse është për njerëzit apo për kafshët”.
Në shënjestër të komenteve është vënë edhe faqja zyrtare në Facebook e barit, ku gjykimet negative kanë qenë të shumta si dhe ka pasur klientë të cilët paralajmërojnë se nuk do të shkojnë më kurrë në atë lokal dhe do të bëjnë publicitet negativ edhe tek miqtë e tyre. /tesheshi.com/
