Inspektoriati Shtetëror Teknik Industrial, reagoi një ditë pas ngjarjes në Beragozhd të Pogradecit, ku u plagosën rreth 25 persona nga shpërthimi i një bombule gazi në një lokal.
Sipas ISHTI-së, nga konstatimet paraprake shpërthimi erdhi nga kontakti i rrjedhjes së gazit me nxehtësinë e sobës me dru.
Po ashtu, në lokalin ku ndodhi shpërthimi ndodheshin 6 bombola gazi dhe bombola e cila ishte e vendosur poshtë banakut të lokalit ishte jashtë standardit.
ISHTI ka deklaruar se do të monitorohen të gjitha tregjet për bombulat e gazit dhe do të merren masa të ashpra për shkelësit e ligjit. /tesheshi.com/
