Studimet tregojnë se modestia e shtirur nuk funksionon në një ambient pune. Njerëzit e konsiderojnë atë si diçka jo të sinqertë dhe një gjest të urryer dhe kanë prirje ta vlerësojnë punën e modestit të shtirur më pak se sa të atij që thjeshtë me sinqeritet mburret për punën e bërë.
Këtë e vërteton një studim nga Harvard Business School sipas së cilit me rritjen e popullaritetit dhe përdorimit të mediave sociale edhe në jetën reale njerëzit kanë filluar të “eliminojnë” dikë. Studimi përfshiu një numër prej 300 pjesmarrësh të cilët u ekspozuan ndaj një numri të ndryshëm gjestesh dhe sjelljesh në punë duke përfshirë punëtorët që tregonin modesti të shtirur, ata që mburren dhe ata që vetëm ankohen.
Studimi zbuloi gjithashtu se të shprehurit të modestisë është një ndër strategjitë më të gabuara të promovimit të vetes. Sipas përpiluesëve të studimit, Ovul Sezer, Francesca Gino dhe Michael I. Norton, “Modestia e ekspozuar sjell dy pasoja: uljen e pelqimeve nga të tjerët dhe përcjelljen e mungesës së sinqeritetit. Kjo mendohet se vjen edhe falë rrjeteve sociale ku njerëzit mundohen përditë të promovojnë veten. Por edhe këtu, heshtja është shumë herë më të vlerësuara se sa modestia e shtirur.” /tesheshi.com/
