Nëse konsumoni një filxhan çokollatë në ditë mund të reduktoni deri në 30% rrezikun e prekjes nga një atak në zemër për 10 vitet e ardhshme. Kjo falë flavinoideve antioksiduese që përmban kakaoja, të cilat lejojnë kontraktimin e formimit të ‘tapave’ në arterie, çka çon edhe në bllokimin e tyre.
E përditshmja angleze Mirro nxjerr në pah rezultatet e dy studimeve, njëri i publikuar në “Age” dhe tjetri në “British Medical Nutrition”. Të dy janë studime të realizuar nga Flaviola Research Consortium dhe të financuar nga BE. Një nga kërkimet ka marrë në studim 42 meshkuj, duke treguar përfitimet kardiovaskulare tek personat nën 35 vjeç dhe tek ata mes të 50-ave dhe 80-ave.
Në këto dy fasha të moshave, konsumi i flavinoideve duket se frenon në mënyrë të ndjeshme zgjerimin e enëve të gjakut: në 33% tek grupi i të rinjve dhe 32% tek më të moshuarit. Tek këta të fundit është vënë re edhe një reduktim i ndjeshëm i presionit sistolik.
Puna e dytë kërkimore shkencore ka marrë në studim femra dhe meshkuj të shëndetshëm nga 35 në 60 vjeç, duke treguar një ulje të rrezikut të patologjive kardiovaskulare në masën 22% për të gjithë ata që konsumonin pije me bazë flavinoidesh 2 herë në ditë, për 4 javë rresht./tesheshi.com/
