Përkëdhelja e maceve na bën mirë ne, njerëzve, por edhe miqve tanë me 4 putra. Sipas një studimi të publikuar në revistën Preventive Veterinary Medicine, përkëdheljet ndihmojnë macet që të jenë të shëndetshëm.
Është bërë një eksperiment mbi dy grupe macesh: një grup është përkëdhelur dhe i është falur dashuri e ëmbëlsi më shumë se 4 herë në ditë, ndërsa grupi tjetër vetëm është ushqyer, pa u përkëdhelur dhe pa i dhënë dashuri.
Gjatë rritjes, macet e përkëdhelura kanë treguar se janë më të lumtura dhe më të shëndetshme, ndërsa macet e tjera kanë shfaqur sëmundje të ndryshme, duke nisur që nga aparati i frymëmarrjes dhe pjesë të tjera të organizmit.
Përkëdhelja e maceve stimulon prodhimin e një antitrupi që ndihmon në luftimin e shqetësimeve në rrugët e sipërme të frymëmarrjes. “Kemi zbuluar se macet shtëpiake janë shumë të ndjeshme ndaj trajtimit pozitiv të njerëzve”,- ka deklaruar Clive JC Phillips, profesor i mirëqenies së kafshëve në Universitetin Queensland dhe autor i këtij studimi./tesheshi.com/
