Njollat tek rrobat janë një nga “tmerret” e çdo femre, sidomos kur ato janë shumë të forta dhe nuk mund të hiqen. Ekzistojnë një sërë produktesh komerciale që mundësojnë heqjen e njollave nga rrobat, por ato mund të zbehin ngjyrën e rrobave dhe mund të mos e heqin njollën 100%.
Një nga mënyrat më të mira që ju vjen në ndihmë në këto raste është uthulla e mollës (duhet të jetë e bardhë, jo uthull me ngjyrë). Futini rrobat si zakonisht në makinën larëse, hidhni detergjentin dhe shtoni gjysmë filxhani uthull molle.
Kjo mënyrë do të përforcojë efektin pastrues të zakonshëm, do të parandalojë venitjen e ngjyrave të rrobave dhe mbi të gjitha do të heqë njollat e forta. Aciditeti i gjendur në uthullën e mollës do të neutralizojë aromat e këqija të rrobave gjithashtu.
Për larje të rrobave me dorë, në një legen me ujë të ngrohtë dhe me detergjent hidhni një filxhan me uthull molle, lërini rrobat gjatë gjithë natës.
Kjo mënyrë do të heqë dhe njollat më të forta, do të neutralizojë aromat e këqija të rrobave që janë shkaktuar nga djersa, duhani etj dhe do t’i bëjë rrobat të shkëlqejnë nga pastërtia. /tesheshi.com/
