Ja pse aziatikët nuk mbajnë këpucë brenda në shtëpi

Në shtëpitë aziatike këpucët hiqen tek pragu i derës dhe nuk lejohet të shkelet brenda në shtëpi me to.

Një studim i udhëhequr nga Universiteti i Arizonës tregon se në këpucët tona qendrojnë përafërsisht 421 mijë lloje bakteresh ku 96 për qind e tyre kanë origjinë nga ushqimet, uji dhe fekalet e njeriut dhe kafshëve. Këpucët mund të mbartin edhe kimikate si gazolina apo naftë përmes shiut apo vesës.

Hyrja me këpucë në shtëpi mundëson transmetimin e 90-99% të këtyre baktereve nga këpucët në dyshemenë apo tapetin e shtëpisë.

Gjithë këto baktere dhe lëndë kimike dhe një ekspozim ndaj tyre për një kohë të gjatë mund të çojnë në sëmundje të rënda. Mirëpo, nëse kjo nuk u duket një arsye e bindshme mysafirëve për të hequr këpucët atëherë larja e tyre apo e dyshemesë dhe tapetëve shpesh herë ndihmon në një eliminim prej 90 për qind. Edhe pse zgjidhja më e mirë është lënia e këpucëve tek pragu. /tesheshi.com/