Misioni Europian për sundimin e Ligjit në Kosovës EULEX-i, sipas marrëveshjes së re do të ketë kompetencat e një OJF-je.
Ndërkaq BE-ja me këtë vendim të Qeverisë së Kosovës, nuk është e kënaqur dhe po bën presion që një vendim i tillë të ndryshojë në Kuvend.
Kështu ka deklaruar të mërkurën një burim i portalit tesheshi.com nga selia qendrore e EULEX-it në Prishtinë.
Burimi ka shtuar se “Qeveria e Kosovës deri më tani nuk ka pranuar që EULEX-i me marrëveshjen e re për qëndrim dhe veprim në Kosovë të ketë kompetenca ekzekutive.
“EULEX-it duhet të këtë kompetenca ekzekutive është mendimi i BE-së, ndërsa që Qeveria e Kosovës kërkon që EULEX-it t’i hiqen kompetencat ekzekutive duke e shëndrruar atë vetëm në monitorues të proceseve të ndryshme në Kosovë”, ka thënë burimi dhe ka shtuar se “EULEX-I në bazë të qëndrimeve të palës kosovare të deri tanishme nuk do të ketë mundësi të hapë asnjë rast në drejtësi, apo të urdhërojë arrestimin e dikujt”.
Për mënjanimin e kompetencës ekzekutive EULEX-it më së shumti janë duke lobuar personat në pozita të larta politike të Kosovës e që dihet botërisht se janë të korruptuar dhe se për këta persona EULEX-i ve i ka siguruar dëshmitë dhe në të ardhmen e afërt pritet arrestimi i tyre, ka thënë burimi i portalit tesheshi.com, duke mos dashur që flasë me emër e mbiemër se për kë bëhet fjalë. /tesheshi.com/
