Nuk u përfshi në kabinetin “Rama2”, madje as në drejtimin e komisioneve parlamentare, por duket se Edi Rama ka rezervuar një tjetër detyrë të rëndësishme për ish-ministrin e Brendshëm, Sajmir Tahiri.
Në ditët e fundit u krijua idea sikur mes dy bashkëpunëtorëve të ngushtë në qeverinë “Rama1” kishte nisur një përplasje e pariparueshme, por duket se hamendësimet mbetën thjesht të tilla.
Tahiri mësohet se do të drejtojë platformën dixhitale të bashkëqeverisje, të cilës kryeministri, i ka dhënë një rëndësi shumë të veçantë.
“Do fillojmë menjëherë punën në terren duke emëruar një koordinator kombëtar për bashkëqeverisjen që do jetë Saimir Tahiri, që do të thotë që platforma dixhitale e bashkëqeverisjes nuk do jetë website i radhës, por mekanizëm i gjallë njerëzish që do e përdorin për të realizuar implementimin e tre pikave kyçe, njerëzit duan pastrim të gjithë mekanizmit te shtetit nga grabitqarët, duan shërbim për çdo nevojë dhe mbi çdo të drejtë që jua jep kushtetuta, ndëshkim të atyre që behën pengesë. Këto tre gjëra mund ti realizojmë përmes bashkëqeverisjes, përfshirjes së tyre në qeveri realisht”, tha Rama. /tesheshi.com/
