Gjyqtarja Fildes Hafizi, e cila u vra sot në mesditë nga ish-bashkëshorti i saj, ishte nënë e dy fëmijëve të mitur.
Në rrjetin social ajo ka postuar me dhjetra foto bashkë me djalin dhe vajzën, sikundër edhe një dedikim kushtuar atyre.
“Fëmijët e mi janë dhe do të mbeten kapitulli më i bukur në librin e jetës sime”, shkruan gjyqtarja në një nga postimet e saj.
Gjytarja, e cila ishte ndarë nga bashkëshorti rreth dy vjet më parë, ka kërkuar ndihmën e institucioneve të shtetit, por edhe Ambasadorit amerikan.
Pas ngjarjes është botuar kërkesa e saj drejtuar diplomatit të SHBA, ku ndër të tjera shkruante se për shqetësimet kishte biseduar edhe me krerët e drejtësisë, por gjithçka kishte rënë në vesh të shurdhët. /tesheshi.com/
