Kur flasim për ushqimet e shëndosha, sigurisht se askujt prej nesh nuk na shkon në mendje se çokollata e zezë bën pjesë në këtë listë. Por, shumë ekspertë të shëndetit e dinë se kjo çokollatë mund të ndikojë pozitivisht në shëndetin e njeriut. Të mirat shëndetësore në çokollatën e zezë i atribuohen në radhë të parë përmbajtjes në të: të kakaos.
Çokollata e zezë fitohet nga bima e kakaos. Kjo bimë përmban disa antioksidantë, të cilët mund të përmirësojnë shëndetin tonë. Nëse jeni nga ata pak njerëz që keni nevojë për fakte më bindëse përse duhet të hani çokollatë të zezë, ja disa prej arsyeve:
- Vitaminat dhe mineralet
100gr çokollatë e zezë me të paktën 70% kakao, ju ofrojnë mangan, bakër dhe fibra. Ajo gjithashtu përmban magnez, hekur, kalium, zink dhe fosfor.
- Antioksidantë
Bina e kakaos po ashtu është përgjegjëse për nivelin e lartë të antioksidantëve në çokollatën e zezë, ndër të cilat më të njohurat: flavonoidet, kateçinët dhe polifenolët.
- Për qarkullim të gjakut
Të ngrënit e çokollatës së zezë mund të ofrojë sasi të mëdha të flavanoleve, që ndihmon në relaksimin e arterieve, që mundëson përmirësimin e qarkullimit të gjakut. Kjo në anën tjetër edhe ul presionin e gjakut, andaj edhe çokollata e zezë është e mirë për personat me tension të lartë të gjakut.
- Për nivel të shëndetshëm të kolesterolit
Përveç ndikimin në uljen e tensionit të gjakut tek hipertenzivët, çokollata e zezë po ashtu mund të ndihmojë në rregullimin e nivelit të kolesterolit. Ndikon në parandalimin e rritjes së LDL që njihet si kolesteroli i keq, ndërsa ndikon në rritjen e HDL, që njihet si kolesteroli i mirë. Edhe një herë, kjo mund t’i kreditohet vetëm përmbajtjes së kakaos në çokollatë.
- Për zemër
Vecse çokollata e zezë mund të parandalojë hipertensionin si dhe ngritjen e kolesterolit LDL, ajo mund të ulë edhe rrezikun për zhvillimin e sëmundjeve kardiovaskulare. Kjo është dëshmuar gjatë një studimi 15 vjeçar në të cilin janë përfshirë 470 meshkuj të cilët kanë konsumuar kakao. Tek këta meshkuj, u vërejt një rrezik i reduktuar i vdekjes nga sëmundjet kardiovaskulare deri në 50%.
- Për lëkurë
Flavonolet në çokollata mund të ndihmojnë në reduktimin e dëmit të rrezeve të diellit. Ngrënia e më shumë çokollatave është thënë se ndikon në përmirësimin e qarkullimit të gjakut në gjithë lëkurën, rritjen e hidratimit si dhe densitetin e lëkurës.
Çokollatat nuk janë të njejta; çokollata e zezë nuk është e pëlqyer nga shumë njerëz, krahasuar me çokollatat me qumësht dhe ato të ëmbla. Kakao e bën çokollatën e zezë të hidhur dhe kjo për shkak të 400 polifenolëve që gjenden në të. Derisa çokollatat e zeza janë shumë të shëndetshme, do të ishte mirë të mos teprohet, ngase edhe ato përmbajnë sheqer, dhe përmbajnë 600 kalori për 100 gram çokollatë. /tesheshi.com/
