Kryeministri Edi Rama njoftoi se ekipe ekspertësh do të punojnë për të vlerësuar dëmet nga brenda dhe jashtë vendit pas tërmetit shkatërrues të martën.
Deri më tani, pesë milion euro dhe më shumë se një milion dollarë janë dhuruar nga përpjekjet për lehtësimin e tërmetit dhe ndihma për viktimat, por kjo nuk është shuma përfundimtare, tha ai për një mbledhje të jashtëzakonshme qeveritare në Tiranë – raporton Al Jazeera.
Rama konfirmoi se 49 persona u shuan zyrtarisht deri më tani, përfshirë dhe fëmijë.
Kërkimi për të mbijetuarit u ndërpre të enjten në Thumanë dhe më pas në Durrës.
“Janë 1.260 persona të akomoduar në Durrës, 625 prej të cilëve janë në hotele dhe 360 në palestra shkollore. Pjesa tjetër janë në tenda ose me të afërm. Në Thumanë, rreth 500 njerëz janë vendosur në tenda dhe ata do të strehohen në hotele sot”, tha Rama.
Sipas tij, 3,480 njerëz kanë mbetur të pastrehë në Qarkun e Tiranës. /tesheshi.com/
