Niue (Niuē Fekai në gjuhën niueane) është një shtet ishullor i vendosur në jug të oqeanit Paqësor. Njihet si “Shkëmbi i Polinezisë”. Edhe pse është një shtet që vetëqeveriset, prej vitesh ai vijon tregtinë e lirë me Zelandën e Re.
Kjo do të thotë se mbretëresha Elisabetta II e Mbretërisë së Bashkuar, e cila mban edhe titullin e Kreut të Shtetit në Zelandën e Re, është edhe kreu i shtetit në Niue. Pjesa më e madhe e marrëdhënieve diplomatike janë realizuar përmes Zelandës së Re. Niue ndodhet 2400 kilometra në veri-lindje të Zelandës së Re, në një trekëndësh mes Tonga, Samoa dhe ishujve Cook.
Ishulli ka një klimë tropikale. Stina e cikloneve zgjat nga dhjetori në mars dhe në këtë kohë, temperaturat mesatare arrijnë në 27 °C. Gjatë pjesës tjetër të vitit, temperaturat janë më të ulëta, me një mesatare prej 24 °C. Shirat arrijnë në 2000 mm në vit dhe më së shumti bien nga nëntori në prill.
Në Niue banojnë 1398 persona (sipas të dhënave të vitit 2009) me një densitet prej 5.38 banorë për km².
Popullsia në Niue ka rënë në mënyrë të ndjeshme, për shkak të emigracionit, veçanërisht të të rinjve, të cilët shkojnë në Zelandën e Re dhe në Australi. Në fillim të shekullit XX, popullsia në shtetin ishullor ishte rreth 4500 persona dhe kur shteti fitoi pavarësinë, në vitin 1974 ishte rreth 4000 persona. Pjesa më e madhe e banorëve janë përqëndruar në anën perëndimore të ishullit, në afërsi të kryeqytetit dhe në veri-perëndim të tij.
Origjina e popullsisë në Niue është polineziane dhe mendohet se ka ardhur nga ishujt isole Tonga, Samoa dhe Pukapuka.
Sa i takon besimit fetar, çdo banor i fshatit ka vendin e tij të kultit të Ekalesia Niue, një kushë protestante e cila derivon nga London Missionary Society. Gjuhët zyrtare janë ajo angleze dhe ajo niueane. Niueanishtja është një gjuhë që flitet nga popullsia vendase ndërsa gjuha e dytë, ajo angleze flitet nga të gjithë banorët dhe njihet shumë mirë nga ta.
Ky shtet ditën e sotme ka njohur zyrtarisht pavarësinë e Kosovës. Lajmi është bërë i ditur nga vetë ministri i Jashtëm i Kosovës, Hashim Thaçi./tesheshi.com/
