Qeveria “Rama2” do të votohet të hënën pasdite në Kuvendin e Shqipërisë, ndërsa në seancën e paradites do të paraqitet programi dhe prioritetet.
Burime nga mazhorancë bëjnë të ditur se betimi i qeverisë para Presidentit të Republikës do të bëhet ditën e mërkurë të javës së ardhshme, moment ky që përmbyll në mënyrë ligjore të gjithë proçesin.
Kjo do të thotë se nga e mesi i javës së ardhshme vendi do të ketë zyrtarisht qeverinë e re, me një numër më të vogël ministrash, por me të paktën tre superdikastere që do të drejtohen nga Arben Ahmetaj, Damian Gjiknuri dhe Ogerta Manastirliu.
Ndërkohë që për herë të parë do të ketë një ministër Shteti për diasporën dhe një tjetër për Sipërmarrjet. /tesheshi.com/
