Mbarështuesi i derrave në pension, David Venables po përballet në gjyq me akuzën e vrasjes së gruas së tij, duke e hodhur trupin e saj në një gropë septike.
Rasti i këtij fermeri 89-vjeçar në Angli tregon se e vërteta, herët a vonë do dalë e se prej saj nuk ikën dot. 
Gruaja e Venables, Brenda u zhduk në vitin 1982, dhe mbetjet e saj u gjetën në vitin 2019 në një gropë septike në shtëpinë e tyre të përbashkët në Kempsey, Worcestershire, shkruan BBC.
Në fillim të gjyqit, prokurori Michael Burroës tha se Venables kishte një lidhje me ish-kujdestaren e nënës së tij dhe se për këtë arsye ai vrau gruan e tij 40 vjet më parë. Ai e hodhi trupin e gruas në një gropë septike në zonën Quaking House pranë Bestmans Lane, ku çifti ka jetuar që nga viti 1961.
“Ai donte të largonte gruan e tij nga jeta dhe të vazhdonte një marrëdhënie afatgjatë me një grua tjetër. Ai mendonte se gropa septike ishte një vend ideal për të fshehur trupin. Dhe kështu ishte për 40 vjet”, tha prokurori. Por ja që pas 40 vitesh gjithçka u zbulua.
Prokurori tha se afera mes Venables me kujdestaren Lorraine Styles filloi në vitin 1967 dhe zgjati me vite. Venables zgjodhi ta denoncojë në polici si “zhdukje”, atë që siç tha më 4 maj 1982, gruaja e tij, e cila ishte në depresion, nuk ishte në shtëpi kur ai u zgjua atë mëngjes, deklaroi prokurori.
“Policia nuk gjeti asnjë të dhënë për gruan e fermerit. Disa njerëz menduan se ajo kishte kryer vetëvrasje,” i tha prokurori Burrows.
Venables ia shiti fermën nipit të tij dhe në qershor të të njëjtit vit, kontraktorët që pastronin gropën septike gjetën eshtra njerëzore.
Ata gjetën një kafkë që testimi i ADN-së zbuloi se i përkiste Brendia Venables. Prokurori tha se nuk kishte gjasa që gruaja të kishte vrarë veten duke u hedhur në një gropë septike.
Gjykimi i ish-fermerit me një këmbë në varr vazhdon. /tesheshi.com/
