Kryeministri Isa Mustafa, i vetëdijshëm se deputetët e PDK-së do votojnë për rrëzimin e tij, në një fjalim të dytë në Kuvend ka falenderuar për bashkëpunim të gjithë deputetët.
Mustafa pa e zgjatur shumë, pas fjalimit të tij të parë ku akuzoi dy qeveritë paraprake për krim e korrupsion, ka thënë se Parlamenti meriton që të ketë njerëz që punojnë për interesa të shtetit dhe që i çojnë qytetarët përpara.
“Nuk kam diçka të them në veçanti, si shtet i ri duhet gjithmonë t`i nënshtrohemi qytetarëve dhe vullnetit të Parlamentit, ashtu si vendos Parlamenti, do jetë vendim meritor. Nuk dëshiroj fare të komentoj se kush-kujt iu bashkangjit, të kujt janë iniciativat, edhe pa votuar iu falenderoj në bashkëpunimin që e kemi pas dhe vlerësoj se ky Parlament meriton të ketë njerëz që i çojnë proceset përpara, e shoh se për herë të parë shumica janë në sallë e jo jashtë Kuvendit. Iu uroj shëndet dhe uroj që të vendosni sipas bindjes tuaj”, deklaroi Mustafa, i cili ende pa u votuar mocioni, disa herë hyri e doli nga salla e seancave. /tesheshi.com/
