Bashkimi Europian dhe Kanadaja kanë nënshkruar këtë të dielë paktin tregtar, të shtyrë për shkak të refuzimit të një rajoni të vogël belg për t’i dhënë mbështetje.
Marrëveshja e Gjithmbarshme Ekonomike dhe Tregtare u nënshkrua nga kryeministri kanadez, Justin Trudeau, dhe nga krerët e institucioneve europiane.
BE-së i nevojitej njëzëshmëria midis vendeve anëtare, ashtu siç Belgjikës i duhej pëlqimi i të gjitha rajoneve të saj për ta miratuar paktin. Belgjika e dha mbështetjen zyrtarisht për paktin mëngjesin e së shtunës, pas bisedimeve të gjata, ndërsa rajoni Wallonia e kishte bllokuar marrëveshjen prej javësh.
Marrëveshja ka rëndësi për Kanadanë, sepse synohet zvogëlimi i mbështetjes te Shtetet e Bashkuara të Amerikës si një treg eksporti.
BE-ja, në anën tjetër, thotë se CETA do të heqë 99 për qind të tarifave, e se do t’i japë shtysë ekonomisë së unionit me 12 miliardë euro në vit. /tesheshi.com/
