Një ditë më parë, kryeministri Edi Rama i kërkoi deputetëve socialistë që të mos mungonin në seancën e parë të Kuvendit. Por duket se jo të gjithë kanë zbatuar këtë porosi të kreut socialist, pasi sot në hapjen e punimeve të legjislaturës së re, ka munguar njëri prej tyre,
Si rrallë herë, mungesë ka marrë Erion Braçe, një nga deputetët më korrektë përsa i takon pjesëmarrjes në seancat parlamentare.
Çuditërisht ai mungoi sot. Deputeti socialist i Qarkut të Fierit përpara publikimit të qeverisë “Rama2” konsiderohej si kandidat për ministër bujqësie, pozicion që kryeministri ia besoi Niko Peleshit.
Mbetet për t´u parë nëse Braçe do të jetë present në seancën e pasdites ku do të votohet kryetari i Kuvendit.
Ndoshta qejfmbetje apo neglizhencë, kjo nuk ka rëndësi. Tashmë Braçe ka marrë një mungesë në nisjen e legjislaturës së re… /tesheshi.com/
