Partia Demokratike duket se ka përmbyllur propozimet e saj për postet drejtuese në Kuvend dhe grupin parlamentar.
Kështu Edmond Spaho, ish-nënkryetar i Kuvendit është zgjedhur në krye të grupit parlamentar, duke zëvendësuar Edi Palokën. Ky i fundit është propozuar për të qenë nënkryetar i Kuvendit.
Në këtë mënyrë dy postet drejtuese në Kuvendin e Shqipërisë do të mbahen nga dy ish-kryetarët e grupeve parlamentare më të mëdha, ai socialist dhe demokrat. Kjo pasi socialistët kanë propozuar Gramoz Ruçin për kryeparlamentar.
Nënkryetarë të grupit të PD-së do të jenë Eduard Halimi dhe Gent Strazimiri. Në pozicionin e sekretarit është zgjedhur Ervin Salianji dhe zëdhënëse, Grida Duma.
Nënkryetari i komisioneve dhe reformave është zgjedhur Oerd Bylykbashi, ndërsa Jorida Tabaku zgjidhet nënkryetare e Komisionit të Ekonomisë
Eduard Halimi zgjidhet nënkryetar i Komisionit të Ligjeve, ndërsa Albana Vokshi kryetare e Komisionit të Mediave.
Tritan Shehu zgjidhet nënkryetar i Komisionit të Jashtëm dhe Florion Mima nënkryetar i Komisionit të Veprimtarisë Prodhuese.
Disa nga emërimet
Sekretar i grupit parlamentar – Ervin Salianji;
Eduard Halimi, Oerd Bylykbashi dhe Enkelejd Alibeaj- nënkryetarë të grupit të PD;
Oerd Bylykbashi-Nënkryetar grupi për reformat dhe komisionet “ad hoc”;
Bardh Spahia – Kryetar te Komisioni i Shëndetësisë
Albana Vokshi – Kryetare te Komisioni i Medias
Genc Pollo – Kryetar te Komisioni i Integrimit
Florion Mima- N/kryetar te Veprimtaria Prodhuese
Eduard Halimi – N/kryetar te Komisioni i Ligjeve
Flamur Noka- N/kryetar te Komisioni i Sigurisë
Jorida Tabaku – N/kryetare te Komisioni i Ekonomisë
Tritan Shehu – N/kryetar te Komisioni i Jashtëm /tesheshi.com/
