Disa qepje kanë përshkuar fytyrën e qendërmbrojtësit të Barcelonës Pau, Cubarsi, i goditur rëndë nga kundërshtari serb në përballjen për Champions në Beograd me Crvena Zvezdën. Ishte kapiteni i vendasve, Urosh Spajiç ai i cili shkaktoi një ndër dëmtimet e rënda në futboll, duke goditur me taka fytyrën e lojtarit të ri dhe shpërfytyruar atë.
Mjekët shkuan menjëherë në fushë për të ndihmuar spanjollin dhe sigurisht që me atë lloj dëmtimi ai nuk mundi të vazhdonte lojën, ndaj u zëvendësua nga Sergi Dominguez.
Vetëm pas ndeshjes, Barcelona njoftoi se gjithçka është në rregull me lojtarin e ri. Megjithatë, ai mori dhjetë qepje në fytyrën e tij, dhe ndoshta një mbresë të përhershme për atë çfarë i ndodhi në përballje me serbët.
Në Beograd, katalanasit arritën fitoren e tretë këtë sezon në Ligën e Kampionëve, duke fituar me rezultat bindës 2:5. /tesheshi.com/
