Prestigjiozja Physics World ka publikuar së fundmi listën me disa nga zbulimet shkencore më të rëndësishme për vitin 2016 në fushën e fizikës. Janë zgjedhur në mesin e qindra studimeve të publikura gjatë vitit në bazë të këtyre kritereve: rëndësia e zbulimit, përparimet në njohuritë që ka sjellë zbulimi, lidhja midis teorisë dhe provave eskperimentale dhe interesi i përgjithshëm i fizikantëve mbi zbulimin.
Shkencëtarët nuk patën dyshime kur ia dorëzuan çmimin për Zbulimin e Vitit zbulimit të parë empirik të valëve gravitacionale, një rezultat i jashtëzakonshëm i publikuar në shkurt nga shkencëtarët e LIGO (Advanced Laser Interferometer Gravitational-Wave Observatory).
Bëhet fjalë për një zbulim të rëndësishëm. Në mes të tjerash, është dashur të përdoren teknologjitë më të avancuara që ekzistojnë sot në botë. Disa nga instrumentet e përdorura janë në gjendje të masin ndryshimet e gjatësisë të barabarta me një të mijtën e përmasave të një protoni. Ky zbulim është njëkohësisht ndër të parët që ka sjellë prova direkte për ekzistencën e vrimave të zeza.
Nëntë zbulimet e tjera janë pothuajse në shkallë të barabartë përnga merita. /tesheshi.com/
