Të ndalohet rreptësisht veshja e fundeve të shkurtra dhe pantallonave të shkurtra në publik, sepse janë veshje të cilat tregojnë mungesa respekti kundrejt të tjerëve. Ky është një nga diskutimet më të nxehta dhe nëjkohësisht më serioze në Këshillin komunal të Dadeville, një qytezë në kontenë Tallapoosa në shtetin e Alabamës, në Shtetet e Bashkuara të Amerikës.
Siç raportojnë mediat lokale, kjo ide i ka ardhur këshilltares komunale të qytetit, Stephanie Kelley, e cila ka gjetur menjëherë mbështetjen e shumë kolegëve të tjerë, të cilët janë treguar të gatshëm ta mbështesin në momentin e votimit në sallë.
“Nuk më pëlqejnë aspak veshjet që janë kaq të shkurtra. Duken shumë intime. Personat, kur janë në publik meritojnë respekt. Gjenerata e re e të rinjve duhet të kuptojë se çfarë është e drejtë dhe çfarë është e gabuar”,- shpjegon Stephanie./tesheshi.com/
