Të gjithë flasin përherë për të dhe kush e di se kur do të ndalojnë së komentuari veshjet e dukeshës së Kembrixh, Kate Middleton, e cila, me veshjet, rrobat, këpucët, mënyrën e grimcimit etj, i lë gjithmonë të gjithë me gojën hapur. Këtë herë, bëhet fjalë për diçka që ndoshta shumë persona nuk e prisnin.
Nëse deri më dje Kate ishte konsideruar di gruaja më elegante dhe fine në botë (nga e cila frymëzoheshin shumë femra, veçanërisht kur ajo vishej me rroba me çmim të ulët shitjet e së cilave shumëfishoheshin sa herë që Kate mbante një prej tyre në trup), gjërat gjatë ditëve të fundit, kanë ndryshuar paksa.
Kate, në fakt nuk është më mbretëresha e elegancës. “Janë princesha Mary e Danimarkës dhe mbretëresha Maxima e Vendeve të Ulëta femrat më elegante të botës”, shkruhet në nj nga artikujt më të rëndësishëm të revistës “Hello!”.
Po Kate ku ngeli? Patjetër që është elegante, por njëkohësisht është shumë klasike. Pra, është normale, sipas revistës, e cila, duke cituar një sondazh, thotë: “Për momentin, Mary është mbretëreshë absolute e elegancës dhe finesës, mes të gjitha të rejave me të tillë tituj mbretërorë”.
Duke marrë parasysh se në sondazh kanë marrë pjesë 30 mijë lexues, ndoshta është rasti të nisim të shikojmë me më shumë vëmendje mënyrën e veshjes së të ashtuquajturave ‘femrat me gjakun blu’.
Mary (në dy fotot e para më poshtë) bashkëshortja e princit Federik, trashëgimtar i Danimarkës, ka mbledhur rreth 30% të votave, e ndjekur më tej nga mbretëresha Maxima e Holandës, e cila me veshjet e saj ka bërë që të bjerë në sy nga zonjat dhe zonjushat, duke u pozicionuar në vendin e dytë. Në vendin e tretë renditet dukesha e Kembrixh, Kate./tesheshi.com/
