Rroga mesatare në Maqedoni është 22 mijë denarë. Mirëpo ka profesione të cilët paguhen dyfishi apo trefishi i rrogës mesatare.
Në bazë të dhënave që ka publikuar në raportin e saj të fundit Enti Shtetëror për Statistik, paga mesatare e pilotëve është 68 166 denarë( mbi 1 mijë e 100 euro), ndërsa programuesit marrin pagat prej 50,097 denarësh.
Pas tyre janë bankierët me 43,700 dhe farmacistët me 41,619 denarë.
Ndërtimtarët të cilët konsiderohen si një nga më të kërkuarit në tregun e punës, edhe përpos punës së lodhshme fizike marrin pagë prej vetëm 19.000 denarësh, kurse punonjësit shëndetësorë dhe ata socialë marrin një pagë prej 24.500 denarë.
Derisa në vendin e fundit për nga pagesa llogariten profesionet hotelierike, të industrisë së tekstilit dhe në peshkatari. Këto marrin pagë mesatare prej 13 mijë denarëve.
Ndërkaq paga mesatare e të punësuarve në administratën publike është 26 368 denarë. /tesheshi.com/
