Sot rrjetet sociale janë bërë biznes i madh, ndërkohë që kompanitë garojnë që përmes kësaj mënyre të thithin sa më shumë klientelë, e madje janë të gatshëm që për këtë edhe të shpenzojnë para të mëdha.
Numri mujor i shfrytëzuesve aktivë është më i rëndësishmi në këtë biznes dhe është indikator i popullaritetit, por edhe i vlerës së rrjetit të caktuar social.
Facebook është pa konkurrencë në krye të rrjeteve më të popullarizuara me 1,65 miliard përdoruesish aktivë brenda një muaji. Nëse ky rrejt social do të ishte një shtet, atëherë me siguri që do të ishte shteti më i populluar, madje me popullsi më të madhe sesa Kina. Është mbresëlënëse edhe numri prej 1,51 miliard përdoruesish për një muaj, të cilët i qasen këtij rrjeti përmes celularëve.
Në pozitën e dytë ndodhet YouTube, sinonim për video dhe është kërkuesi më i madh pas Google. Çdo muaj në këtë faqe shikohen mbi 6 miliard orë video. Nëse do të ishte një shtet, do të renditej i treti në botë për nga numri i banorëve, menjëherë pas Kinës dhe Indisë.
Instagram, rrjeti për publikimin e fotografive, brenda një kohe të shkurtë ka fituar një numër të madh të përdoruesve dhe është vazhdimisht në rritje e sipër, duke lënë prapa edhe Twitter-in e popullarizuar. /tesheshi.com/
