Kisha në Kala të Shkupit, Kryqi në Butel, protestat e organizuara gjatë ditës së premte pas faljes së namazit të xhumasë, konsiderohen se janë keqpërdorur për qëllimi politike.
Si rrjedhojë e këtyre ngjarjeve, instituti ZIP që është një organizatë e pavarur dhe joqeveritare e cila synon përmirësimin e proceseve demokratike, sundimin e ligjit dhe zhvillimin e shoqërisë civile në Maqedoni, organizoi një konferencë në të cilën i bëri bashkë hoxhën dhe priftin. Projekti “Imami ose Prifti? Cili do që të jetë, vetëm në rolin e paqes le të jetë” ka për qëllim përforcimin e paqes në shoqëri, rivendosjen e relacioneve të mira në mes të imamëve dhe priftërinjve, riadresimi i rolit të tyre në jetën publike si dhe përçimi i drejtë i mesazheve në ritet fetare siç janë namazet dhe liturgjitë.
Sipas Fexhri Selamit nga ky institut, të gjitha rrjedhat negative në shoqëri kanë ardhur si shkak i politikës.
“Është politika ajo që e ka nxit qasjen e atyre inateve të qytetarëve përmes mediave të kontrolluara. Është një gjë e cila tanimë ka mbaruar dhe ne si shoqëri civile e kemi rolin bartës në këtë drejtim që qytetarëve tu sjellim me vëmendje atë që është objektive”, tha Selami.
Fatmir Zaimi, përfaqësues i Bashkësisë Islame në Maqedoni tha se do të jenë gjithmonë të gatshëm që të ndihmojnë në rritjen e tolerancës ndër fetare.
“Bashkësia Islame në Maqedoni çdo herë i ka përkrahur këto projekte sidomos kur është në pyetje toleranca ndër fetare, marrëdhëniet ndër religjioze”, tha Zaimi.
Prifti Otec Kostadin, ndërkaq, shprehu falënderim deri te BFI që ka pranuar që të jenë pjesë e këtij projekti. Ai tha se kanë pasur vizita të ndërsjella në objektet fetare dhe shpreson në ngritjen e tolerancës ndër fetare në vend.
“Përveç asaj që i vizituam objektet gjithashtu kishim edhe disa biseda të dobishme ndërmjet nesh të cilat besojmë se më tutje do të kontribuojnë për afrimin sa më të madh të dyja komuniteteve fetare por edhe më gjerë”, tha Kostadin. /tesheshi.com/
