Vitet e fundit janë bërë shumë kërkime në karakteristikat dhe përbërjen e qumështit të gjirit. Organizata Botërore e Shëndetësisë këshillon që të ushqehet foshnja me qumështin e gjirit të paktën deri muajin e gjashtë dhe më pas duhet të jetë elementi kryesorë në regjimin e çdo fëmije.
Po sipas kësaj organizate, gjidhënia duhet të vazhdojë deri me mbushjen e dy vjetëve, mirëpo mund të vazhdojë edhe më pas, sipas dëshirës së nënës dhe bebes.
E vërteta është se pikërisht në këtë fazë dëgjojmë komente në lidhje me cilësinë e qumështit. Pavarësisht se fluksi nuk është më i njëjtë dhe ndoshta as ngjyra, kjo nuk do të thotë që qumështi humbet vlerat ushqyese, por thjeshtë i përshtat ato me nevojat dhe fazat e rritjes së fëmijës.
Kështu nga një burim ushqyes për beben, qumështi kthehet në një burim mbrojtje dhe forcues imuniteti për një fëmijë. /tesheshi.com/
