Ata që pëlqejnë shumë çokollatën, me sa duket mund ta paguajnë shtrenjtë. Siç raportohet, një votim pro daljes së Britanisë së Madhe nga Bashkimi Europian në referendumin e 23 qershorit mund të destabilizojë stërlinën, e cila ngelet një nga valutat kryesore në treg, sa i takon tregtisë së kakaos. Alarmi është lëshuar nga Financial Times, i cili parashikon shtrenjtim të çokollatës, në rast të një Brexit.
Luhatja dhe paqëndrueshmëria e paundit britanik rrezikon të lexohet si rritje e kostove për prodhimin e çokollatës. Tregu i Londrës vijon të jetë i preferuar për tregtinë reale dhe një lëndë e parë për çokollatën në botë. Çokollata e blerë në Londër mund të rritet në çmim nga 20 në 120 stërlina për tonelatë, krahasuar me çokollatën e New Yorkut.
Javën e shkuar ky çmim u rit me 140 stërlina, më e larta për gati gjashtë vjet, si një tregues i nënkuptuar në paqëndrueshmërinë e monedhës. /tesheshi.com/
