Izraeli ka shndërruar një fabrikë të prodhimit të raketave në linjë prodhimi për respiratorë në masë, pasi epidemia e virusit korona vazhdon të përhapet, tha Ministria e Mbrojtjes e vendit.
Izraeli ka konfirmuar 17 vdekje dhe afro 5000 pacientë, raporton Reuters.
Ministri i Mbrojtjes Naftali Bennett ka paralajmëruar se vendi ka vetëm 2,000 respiratorë dhe se nevojiten shumë aparate të frymëmarrjes për të sëmurët rëndë.
Vendeve në mbarë botën u mungojnë respiratorët dhe disa u janë drejtuar kompanive private dhe ushtrisë për prodhim.
“Prodhimi filloi këtë mëngjes në një fabrikë sekrete të raketave,” tha Bennettt.
“Izraeli duhet të zhvillojë aftësitë e veta për gjithçka që ka të bëjë me pandeminë COVID 19,” vuri në dukje Bennett. “Ne nuk duhet të varemi nga vendet e tjera,” shtoi ai. /tesheshi.com/
