Ushtria izraelite është gjithnjë e më e gatshme për të zgjeruar me vendosmëri luftën e saj kundër Hezbollahut në Liban.
“Sot ne miratuam plane të ndryshme për të ardhmen dhe duhet të jemi gati për një ofensivë nëse është e nevojshme,” tha shefi i shtabit Herzi Halevi të mërkurën, gjatë një vizite në selinë ushtarake në qytetin verior izraelit të Safed.
Forcat e Mbrojtjes të Izraelit “dhe brenda tyre Komanda Veriore janë në një nivel shumë të lartë të gatishmërisë”, shtoi Halevi.
Ushtria izraelite ka qenë e angazhuar në luftime të vazhdueshme me njësitë e Hezbollahut në Libanin jugor që kur Hamasi me bazë në Gaza pushtoi zonën kufitare në Izraelin jugor më 7 tetor.
Hezbollahu gjuajti raketa në qytetin kufitar izraelit të Kiryat Shmona të mërkurën dhe policia izraelite tha se disa ndërtesa u dëmtuan. Askush nuk u lëndua.
Në fillim të luftës në Gaza, autoritetet zhvendosën dhjetëra mijëra banorë të rajonit verior në brendësi të vendit për arsye sigurie.
“Tre persona, duke përfshirë një luftëtar të Hezbollahut, u vranë të mërkurën në sulmet izraelite ndaj pozicioneve të Hezbollahut në Libanin jugor”, njoftoi agjencia libaneze e lajmeve NNA. /tesheshi.com/
