Forcat izraelite shkatërruan një qendër karantine në Bregun Perëndimor, e cila u hap si pjesë e luftës kundër përhapjes së virusit të koronës.
Qendra njëkatëshe, e cila ishte vendosur në 700 metra katrorë në hyrje të qytetit të El-Khalil, në Bregun Perëndimor, u rrënua nën pretekstin se nuk kishte leje ndërtimi.
Palestinezi Raid Misvedde, i cili dhuroi tokën në të cilën u ndërtua qendra, tha se “shtetit okupues nuk e pëlqeu qendrën, ndërtimi i së cilës filloi tre muaj më parë dhe që do të hapej së shpejti.”
Misvedde theksoi se Izraeli nuk ka asnjë problem të luftojë COVID-19 dhe vazhdon të shkel të drejtat e Palestinës.
Dëshmitarët okularë pohojnë se nën të njëjtin pretekst, forcat izraelite shkatërruan një shtëpi palestineze në qytetin Selfit, në veri të Bregut Perëndimor, e cila ishte në proces ndërtimi.
Forcat izraelite, nën pretekste të ndryshme, po shkatërrojnë shtëpitë në Jeruzalemin Lindor dhe Bregun Perëndimor.
Delegacionet palestineze dhe izraelite nënshkruan Marrëveshjen e Dytë të Oslos në 1995, sipas së cilës Bregu Perëndimor i okupuar u nda në tre zona.
Zona A mbulon 18 përqind të territorit të Bregut Perëndimor dhe palestinezët kanë autoritet administrativ dhe sigurie.
Zona B përbën 21 përqind të Bregut Perëndimor dhe ndan kompetencat administrative dhe të sigurisë.
Zona e tretë dhe më e madhe C mbulon 61 përqind të Bregut Perëndimor dhe është plotësisht nën kontrollin e Izraelit.
Burimet lokale pretendojnë se forcat izraelite rrënuan 521 shtëpi vetëm vitin e kaluar nën pretekstin se ato ishin ndërtuar në Zonën C ose nuk kishin lejet e nevojshme. /tesheshi.com/
