Izraeli gradualisht do të rihapë Al Aksa-në të dielën, pas mbylljes së saj për dy ditë, masë kjo që pasoi pas një sulmi vdekjeprurës. Zyra e kryeministrit Benjamin Netanjahu tha në një deklaratë të shtunën se vendi i shenjtë do të rihapet për muslimanët si dhe për vizitorët duke filluar nga e diela pasdite. Kamerat dhe detektorët do të instalohen rreth Haram el Sharif-it.
Izraeli ndërmorri këtë hap të rrallë për të penguar hyrjen në xhami, pasi tre sulmues hapën zjarr të premten, duke vrarë dy policë izraelitë para se të qëlloheshin për vdekje. Vendi konsiderohet i shenjtë si nga muslimanët ashtu edhe nga hebrenjtë.
Të parët, si dhe punonjësit e Waqf-it, autoriteti musliman që administron vendin e shenjtë, nuk u lejuan të hyjnë në atë pjesë për të dytën ditë të shtunën. Pjesa tjetër e Qytetit të Vjetër u mbyll gjithashtu për palestinezët që nuk banojnë atje, ndërsa izraelitët dhe turistët u lejuan të hynin pa penguar. Të shtunën, forca të mëdha të policisë vazhduan me kërkime në Malin e Tempullit.
Sipas burimeve palestineze, policia ka hyrë në të gjitha ndërtesat brenda kompleksit, përfshirë xhamitë, gjykatën e Sheriatit dhe arkivin e Waqf-it. Në disa vende policia kërkoi të prishë dyert, por në fund një përfaqësues i Waqf-it lejoi që të hapen ato për të parandaluar dëmtimin.
Waqf lëshoi një deklaratë dënonte mbylljen dhe kërkimet e kryera atje nga policia izraelite pas sulmit. Deklarata e përshkroi sjelljen izraelite si një “krim të pushtimit izraelit” dhe një shkelje të lirisë së adhurimit të muslimanëve. Udhëheqësit arabë dhe autoritetet fetare izraelite lëshuan një deklaratë për dënimin e aksionit së policisë dhe bënë thirrje për rihapjen e menjëhershme të xhamive në Haram el-Sharif. /tesheshi.com/
