Ndërsa qeveria shqiptare mbështet Izraelin në konfliktin me Palestinën, ku madje kryeministri Rama është shfaqur “më katolik se Papa” me potencimin fort të tezës tejet të diskutueshme të së “drejtës së padiskutueshme të Izraelit për vetëmbrojtje”, populli shqiptar nuk mendon si ai; më saktë popullin e ka kundër.
Ka dalë kjo nga një tregues barometri realizuar nga Euronews Albania, një media gjithsesi me linjë editoriale hapur pro Izraelit.
Dy tabelat tregojnë qartazi diferencën popull-qeveri në qasjen ndaj asaj çfarë ndodh në Lindjen e Mesme prej gati dy muajsh, ku në qendër janë sulmet mizore të ushtrisë hebreje në Gaza.
Te gjykatësi popull që nuk bën politikë e gjeopolitikë, e vërteta e asaj çfarë ndodh mes Izraelit e Palestinës, se kush bën padrejtësi e kush lufton për të drejtën e tij, është mëse e qartë.
Pra, populli që voton Ramën duke e mbajtur një dekadë në pushtet, është kundër tij kur vjen fjala për konfliktin më të nxehtë global. /tesheshi.com/
