Forcat izraelite kanë filluar të heqin detektorët nga portat e kompleksit të Xhamisë Al-Aqsa në orët e hershme të së martës në Jerusalem, por do të mbajnë kamerat e sigurisë, njoftoi drejtori i xhamisë.
Duke folur për Al Jazeera, Shejh Najeh Bakirat tha se kjo masë nuk i plotëson kërkesat e muslimanëve, pasi kamerat e sigurisë mbesin në zonë.
Pamjet nga zona gjithashtu tregojnë një makineri të rëndë dhe punëtorët duke shkuar drejt hyrjes në vendin e shenjtë që aktualisht është i mbyllur për gazetarët.
Asnjë koment zyrtar nuk ka ardhur nga pala izraelite për këtë veprim.
Xhamia u rihap pas dy ditësh, pasi Izraeli instaloi detektorë dhe kamera në portat e saj.
Tre palestinezë u vranë të premten në protestat kundër masave izraelite rreth vendit të shenjtë. Tre izraelitë u vranë gjithashtu në një sulm në Bregun Perëndimor.
Izraeli refuzoi të hiqte detektorët, duke pretenduar se masat e sigurisë ishin të ngjashme me procedurat e marra në vende të tjera të shenjta anembanë botës.
Qyteti i Jeruzalemit është i shenjtë për pjestarët e të tre besimeve Abrahamike – myslimanë, çifutë dhe të krishterë, ndërsa Xhamia Al-Aksa përfaqëson vendin e tretë më të shenjtë të botës islame. /tesheshi.com/
